Fatuma Abdi er mor og rollemodell
Sjå for deg at du ikkje veit noko om autisme.
Du har aldri møtt eit barn med autisme, eller hørt om korleis autisme kan vere når eit barn har det.
Du har aldri hørt ordet “autisme” før sonen ditt får eit papir med teksten “diagnose: autisme”.
Dette er historien om Fatuma Abdi.
“Fatuma er stjerna vår!” roper ei kvinne tilsett i Kirkens Bymisjon i Bergen. Ho smiler breitt og gjev Fatuma ein stor klem. Me møter ho på veg ned trappa i Kirkens Bymisjon sine lokaler, eg og Fatuma ein haustdag i Bergen.
Fatuma er ikkje som andre mødre i Bergen. Etter at ho kom til Norge frå Somalia i 2007 tok ho fleire år seinare eit val som har krevd ein heil del mot og refleksjon. Ho har tatt eit oppgjer med ein holdning mange let styre livet.
“Gleda var stor då eg og mannene min fekk vår tredje sønn. Han blei født på Haukeland sjukehus i 2014”, seier Fatuma Abdi. Den friske vesle guten kom til Fatuma som ei “gåve frå Gud”.
Tre år seinare vart guten diagnostisert med moderat autisme. Det var starten på ei reise som skulle ta Fatuma dit ho er i dag. Uredd og tydelig i det ho meiner er si oppgåve.
“Eg sat mykje aleine og grein, det var tungt når eg fekk beskjed om at sønen min skulle ha diagnosen med seg heile livet.” Seier Fatuma, som fortel at mannen og dei to eldre sønene, begge i tidlig tjueåra, støtta og trøsta ho.
Seks månader tok det Fatuma før ho klarte å tenke at det skulle gå bra. Ho beskriv det første halve året etter diagnosen som “ei reise med sine eigne kjensler og tankar.”
Vendepunktet kom då Fatuma hørte om Følgesvenn medan ho var i åpen barnehage. Då tok Fatuma kontakt med Gunn Skinlo:
“Gunn Skinlo og dei andre i Følgesvenn, var til stor hjelp for meg. Eg fekk veiledning og kunnskap om diagnosen, rettigheitene og moglegheitene for sønnen min. På Haukeland fekk eg ingen informasjon utover at diagnosen var påvist. Ingenting. Heller ikkje Helsestasjonen var til hjelp. Eg visste ikkje kor eg skulle rette meg. Gunn blei ei stor hjelp.”
Fatuma vel openheit
I dag er Fatuma sin sønn 8 år, og Fatuma deler gjerne om familien si reise. Ho fortel at Gunn Skinlo og Følgesvenn har vore og er framleis viktig for Fatuma og sonen. Gunn gjev motivasjon og forståing, seier Fatuma som no er opptatt av å vere ein rollemodell som endrar holdningar:
“Eg vert ofte oppringt og kontakta av foreldre med barn med særskilte behov. Eg har tatt eit aktivt val om å vera synleg, eg er ofte ute og går tur med min sønn. Eg er ikkje redd for å fortelje eller vise at han har autisme, derfor veit mange om meg og sønnen min og dei tør ta kontakt med meg.”
Fatuma legg til at ho gjerne deler frå si erfaring og rådgjer foreldre i samme situasjon som ho var i sjølv, med eit barn med særskilte behov og uten kunnskap om kva det innebar.
”Foreldre treng overskudd før dei kan hjelpe barna. Mange tenker på barnas beste men ein kan ikkje gløyme foreldra.”
Grieg Foundation fullfinansierar prosjekt Følgesvenn som Fatuma Abdi deltek på:
Fatuma Abdi og Gunn Skinlo.
Tekst og foto: Pernille Fjørtoft Grøsvik